Plani i dhëndrit të Donald Trump, Jared Kushner për ndërtimin e një kompleksi apartamentesh luksoze në selinë e ish-ushtrisë jugosllave të bombarduar nga NATO, kundërshtohet nga shumica e popullsisë serbe.
Kështu shkruan revista Politico në artikullin për planet e Kushner për investimin në Beograd. Për shumë serbë, është njësoj sikur talebanët të donin të ndërtonin një kompleks apartamentesh luksoze në vendin e Kullave Binjake në Nju Jork.
“Është shokuese në të cilën vendi ku njerëzit u vranë dhe u bombarduan të shndërrohet në një vend me xhakuzi dhe kazino. Arsyeja pse shumë njerëz që janë kundër projektit nuk dalin në publik është sepse ata e dinë se do të pushohen nga puna dhe do të ndëshkohen për këtë gjë”, tha një nga drejtuesit e opozitës.
Sipas dokumenteve te Jovanoviç, negociatat kanë qenë duke u zhvilluar të paktën që nga viti 2022. Sipas tij rol të madh në këtë marrëveshje ka pasur ish-i dërguar amerikan për Serbinë dhe Kosovën, Richard Grenell.
“Është një mënyrë flagrante për të thënë: Ne jemi zotëruesit tuaj perëndimorë dhe ne mund të shkelim trashëgiminë tuaj dhe plagët tuaja emocionale për përfitimin tonë personal”, shtoi Cuta.
Për shumë serbë, rrënojat e saj janë një kujtesë e fushatës së bombardimeve të NATO-s, në të cilën SHBA dhe aleatët shënjestruan objekte strategjike ushtarake dhe politike në Serbi, Mal të Zi dhe Kosovë në një përpjekje për të frenuar fushatat e spastrimit etnik të të fortit serb, Slobodan Millosheviq, shkruan A2CNN.JovanoviQ dhe figura të tjera të opozitës kanë nisur një peticion duke mbledhur rreth 22,000 nënshkrime dhe kanë paralajmëruar protesta për të parandaluar realizimin e projektit.
