Psikologia Lira Gjika thotë që gruaja në ditët e para të mëmësisë ka nevojë për qetësi dhe mbështetjen e bashkëshortit dhe babait të ri.
Ka nevojë për mbështetjen e nënës apo vjerrës por jo të përjashtohet nga përkujdesja për fëmijën. Çdo nënë dëshiron që të kujdeset vetë për fëmijën e saj, por i duhet pak kohë që të fitojë këtë aftësi.
Ajo është vetëm në ditët e para, ku dhe qumështi nuk ka ardhur mirë. Ardhja e qumështit për nënën, përbën një tregues cilësor dhe shumë sigurues për të. Çdo grua është e programuar për të prodhuar qumësht, madje edhe OBSH (Organizata Botërore e Shëndetësisë) rekomandon ushqyerjen me gji të fëmijës deri në 6 muaj, duke përjashtuar çdo alternativë tjetër. Qumështi në vetvete është vetëm i mirë.
Qumështi i gjirit përmban proteina të veçanta të quajtura antitrupa dhe qeliza të bardha të gjakut, të cilat mbrojnë fëmijën nga infeksionet. Ai është shumë i pasur edhe me tre acide yndyrore të cilët janë shumë të rëndësishëm për zhvillimin e trurit. Përmbajtja e tij parandalon alergjitë tek fëmijët.
Gjithashtu në një studim të kryer me nxënësit e shkollave, është vënë re se nxënësit e ushqyer me qumështin e gjirit, kanë potenciale 3 pikë më të lartë se ata që nuk janë të ushqyer me qumësht gjiri. Kujdes nëna të reja po edhe ju që jeni pranë nënës për situatën e brishtë emocionale të nënës, pasi ajo ka një influencë të madhe në cilësinë dhe prodhimin e qumështit.
Gjëndja emocionale ka ndikim si pozitiv po ashtu dhe negativ, pra mund të shkaktojë kompromentimin e shijes së qumështit e deri shterrjen e tij. Shija e mirë i krijon mundësinë fëmijës të zbulojë gjëra të reja tek nëna, pra, ndihmon psihën e fëmijës të rritet dhe zhvillohet. Nuk duhet harruar se fëmija nga mosha 0 – 3 vjeç i zbulon gjërat nëpërmjet shijes. Shija bën pjesë në mekanizmat psikikë fillestar të njohjes. Transmeton, Kosovapost.net
