Në kuadër të festimeve të 101-vjetorit të themelimit të Republikës së Türkiyes, në qytetin e Prizrenit është mbajtur koncerti i Orkestrës së Yjeve të Filarmonisë Turke (TÜRKAY),transmeton Kosova Post.
Në koncertin e organizuar në kazermën “Sulltan Murati” nga Kryesia e Delegacionit të Përfaqësuesit të Türkiyesë që shërben në kuadër të KFOR-it, morën pjesë Ambasadori i Türkiyes në Kosovë, Sabri Tunç Angılı, Konsulli i Përgjithshëm i Prizrenit, Celal Doğan, ministri i Zhvillimit Rajonal, Fikrim Damka, kryetari i Komitetit Përfaqësues të Türkiyes së Kosovës, kolonel Zafer Sağlam, dhe shumë të ftuar të tjerë.
Duke mbajtur një fjalë përshëndetëse para koncertit, koloneli Sağlam uroi të ftuarit për Ditën e Republikës dhe përkujtoi me mirënjohje themeluesin Mustafa Kemal Ataturk dhe bashkëluftëtarët e tij.
Në koncert, i cili zgjati afërsisht dy orë, u interpretuan këngë të njohura të Türkiyes dhe Kosovës nga artistë të TÜRKAY-it. Në skenë në koncert u ngjitën edhe artistët kosovarë Tolga Kazaz dhe Ela Kazaz.
Në anën tjetër, 101-vjetori i Republikës së Türkiyes u festua me manifestime të ndryshme në Kosovë.
Instituti “Yunus Emre” – Dega në Prishtinë, me mbështetjen e Ambasadës së Türkiyes në Prishtinë dhe Bankës Ziraat, hapi ekspozitën “101-vjetori i Republikës së Türkiyes përmes gjuhës së artit” në Prishtinë, me vepra të artistëve nga Kosova, Türkiye dhe Shqipëria.
Për më tepër, një panel i titulluar “Ataturku dhe Republika” u organizua nga Platforma Rinore Turke dhe Shoqata Dorë për Dorë në sallën e Institutit “Yunus Emre” në Prizren.
