Kryetari i Aleancës për Ardhmërinë e Kosovës, Ramush Haradinaj, ka reaguar ndaj deklaratave siç i qaun ai mesjetare të liderëve serb në ;Kuvendin gjithëserb’, ndërsa thekson se përgjigja më e mirë e Kosovës dhe e vendeve të QUINT-it ndaj Serbisë është të hapej ura e Ibrit në Mitrovicë.
Ndërkohë këtë Kuvend serb Haradinaj e cilëson poshtërim ndaj vendeve të QUINT-it.
“Brenda një jave Serbia dy herë poshtëroi Bashkësinë Ndërkombëtare dhe Quintin me të ashtuquajturin ‘Kuvendi gjithëserb’, ku u dhanë deklarata mesjetare e po ashtu edhe Vulin me deklaratat e tij mesjetare të cilat bien ndesh me thirrjet ndërkombëtare për stabilitet në Ballkanin Perëndimor. Bashkësia Ndërkombëtare dhe Kosova përgjigjen më të mirë do t’ia jepte Vulinit dhe të gjithëve me mendësi të tillë, me hapjen e Urës së Ibrit”, është shprehur lideri Haradinaj.
