Kryetari i Aleancës për Ardhmërinë e Kosovës Ramush Haradinaj, në ditën e kujtimit të të mbijeturaëve të dhunës seksuale, tha se plagët e të mbijetuarve të dhunës seksuale, nuk janë vetëm fizike por edhe shpirtërore, përcjell Kosova Post.
Tutje theksoi ai se kujtojmë e nderojmë ata që ka mbijetuar këtë tragjedi, ndërsa thekson Haradinaj se personat që kanë vuajtur duhet të jenë prioritet i të gjithëve.
“Në Ditën e të Mbijetuarve të Dhunës Seksuale gjatë luftës së fundit në Kosovë, kujtojmë dhe nderojmë çdo person që ka përjetuar këtë tragjedi. Plagët e tyre nuk janë vetëm fizike, por edhe shpirtërore, dhe kërkojnë një trajtim të veçantë dhe një kujdes të fortë nga shoqëria dhe institucionet tona”, tha Haradinaj.
Lideri i AAK-së, thekson tutje se kjo ditë e kujtimit është kujtesë për ngritjen e vetëdijes kolektive për mbështetjen dhe kujdesin ndaj personave të mbijetuar të dhunës seksuale.
“Kjo ditë është një shans për të ngritur vetëdijen tonë kolektive për një angazhim më të madh në përpjekjet tona për të mbështetur dhe ndihmuar viktimat. Drejtësia dhe mbështetja për të gjithë ata që kanë vuajtur duhet të jetë një prioritet i përbashkët që asnjëherë të mos ndihen vetëm në betejën për drejtësinë, të cilën ende nuk e kanë parë”, është shprehur Haradinaj.
