Kryetari i Aleancës për Ardhmërinë e Kosovës, Ramush Haradinaj, ka vizituar Gjakovën, ndërsa është pritur nga i kryetari i komunës, Ardian Gjini, përcjell Kosova Post.
Haradinaj , ndërsa njofton për vizitën, shprehet se Gjakova është shndërruar në vend atraktiv për bizneset dhe qytetarët.
Tutje ai ka thënë se qeverisja e Ardian Gjinit është model se si punohet për zhvillimin e vendit.
“Kryetari Ardian Gjini, me qeverisjen në Gjakovë, është model i kryetarit të suksesshëm dhe qeverisjes shembullore, duke u ofruar qytetarëve infrastrukturë dhe projekte të rëndësishme që i kanë dhënë hov zhvillimit të Gjakovës. Gjatë vizitës në këtë komunë pamë nga afër punimet në Lumin Krena, projekt që ka zgjidhur jo vetëm problemin me ujërat e zeza, por është shndërruar në një vend atraktiv për bizneset dhe qytetarët”, ka thënë Haradinaj.
Haradinaj, bën të ditur se gjatë vizitës në Gjakovë bashkë me kryetarin Gjini u pritëm ngrohtësisht nga Shejh Ruzhdi Shehu në Teqenë Shejh Eminit, një vend tha ai ku gërshetohen historia, sakrifica dhe traditat e popullit shqiptar.
