Kryetari i Aleancë për Ardhmërinë e Kosovës, Ramush Haradinaj, kujton 7 shtatorin, Ditën e miratimit të Kushtetutës së Kaçanikut.
Lideri I AAK-së, shprehet se Kushtetuta e Kaçanikut është një nga ngjarjet më madhore të shprehjes së vullnetit të popullit tonë për të jetuar të lirë e të pavarur.
“Ishin delegatët e Kuvendit të Kosovës, të cilët me guxim qytetar e kombëtar e rreshtuan vendin në rrugën e pakthyeshme të pavarësisë, e cila me luftën çlirimtare, si vazhdimësi e përpjekjeve të lëvizjes kombëtare shqiptare, u bë realitet”, tha Haradinaj.
