Kryetari i AAK-së, Ramush Haradinaj ka thënë se rezultatet e këtyre zgjedhjeve nuk është i mirë, por gjithsesi u shpreh se do të vazhdojnë rrugëtimin, siç tha ai për t’i dhënë Kosovës qeverinë opozitare.
Ai u shpreh se do të donte që Kosova të ketë një rezultat më të mirë të opozitës, megjithatë sipas tij, e vërteta është se opozita ka fituar shumicën e votave, krahasuar me partinë në pushtet.
“E pranoj që gara ka qenë e ashpër, jam mirënjohës votuesve që kanë votuar për koalicionin për Kosovën Fituese, edhe pse jemi në rezultatet preliminare, e pranoj që rezultati nuk është i mirë, pra nuk jam i kënaqur me këtë rezultat edhe gjithsesi do të reflektojmë në këtë rezultat i cili s’është i mirë dhe i cili për fat të keq nuk është i mjaftueshëm për ta ndihmuar Kosovën në këto procese që kemi para vetes. Por, ajo që është e vërtetë dhe që s’ndryshon, ne do ta vazhdojmë këtë rrugëtim, për t’i dhënë Kosovës qeverinë opozitare edhe në këtë rrethanë çfare jemi”.
“Kisha pas dëshirë që Kosova të ketë një rezultat më të mirë të opozitës, edhe më të madh, megjithatë e vërteta është se opozita ka fituar shumicën e votave, krahasuar me partinë në pushtet, e cila edhe pas katër vite e pak qeverisje, nuk arriti të mbajë votat e veta, por e humbi një numër të konisderueshëm të votave të qytetarëve, qe besoj se është një porosi për ne të tjerët që duhet ta vazhdojmë rrugën tonë për të ndryshuar qeverinë e vendit, e cila është shkaktare e shumë pasojave, si në planin e brendshme, si në planin e jashtën, si në planin e sigurisë, e mos të flasim për gjendjen e rënduar të qytetarëve tanë, gjendjen ekonomike”, përcjell Klankosova.tv.“Me kënaqësi kishim bashkëpunuar me subjektet politike opozitare, shqiptare për të krijuar shumicën, që është e mundshme nëse e kemi këtë gatishmëri, jemi pra të gatshëm për këtë, pa asnjë kusht, nuk do të kërkojmë asnjë kusht që pengon me ec përpara. E di se nëse e krijojmë qeverinë si opozitë, e që është e mundshme dhe unë shpresoj që të ndodh, na presin shumë sfida”, u shpreh tutje ai.
