Deputeti i LDK-së, Avdullah Hoti, njofton për takimin e strukturave të partisë në disa nëndegë në Rahovec, duke theksuar se temë qendrore e ishte diskutimi për zgjedhjet e 9 shkurtit.
Tutje thekson Hoti se qeverisja aktuale ka shkaktuar pasoja për shtetin dhe secilën familje, ndërsa thotë se Kosova ka nevojë për qeverisje të përgjegjshme.
“Diskutimet tona në përgatitje për procesin demokratik të 9 shkurtit 2025 të kthimit të qeverisjes së mbarë dhe euro-atlantike në Kosovë i vazhduam edhe në Krushë të Madhe me strukturat e nëndegëve: Celinë, Hoqë e Vogël, Brestoc dhe Nagavc”, shprehet Hoti.
“Të gjithë janë të vetdijshëm për pasojat për shtetin e Kosovës dhe secilën familje nga qeverisja e këtij 4-vjeçari. Kosova ka nevojë për qeverisje të përgjegjshme, profesionale, euro-atlantike”, shtoi ai.
