Ndryshohen shkallët e tatimit për të ardhurat personale. Administrata Tatimore e Kosovës njoftoi se nga 23 gushti, ka hyrë në fuqi ligji për pagën minimale, si dhe shkallët tatimore në të ardhurat personale vjetore.
Nga 130 deri 170 sa ishte paga minimale në Kosovë, tani ajo bëhet 264 euro bruto. Për rrjedhojë, edhe shkallët e tatimit në të ardhura kanë ndryshuar. Për ta thjeshtëzuar, kushdo që merr deri në shumën e pagës minimale, nuk paguan tatim në të ardhura.
Ata që marrin deri në 450 euro, do të paguajnë tatim 8 për qind. E kush paguhet deri në 4 mijë e 500 euro, paguajnë 10 për qind tatim në të ardhura. Në fund të qershorit, Gjykata Kushtetuese vlerësoi se ligji nuk e shkel Kushtetutën.
