Zëvendëskryeministri i parë, Izet Mexhiti, në një intervistë për emisionin “Politica” në TV GLOBI, foli për ligjin e gjuhëve, duke theksuar se ai mbetet një zgjidhje e paplotë dhe diskriminuese për gjuhën shqipe.
“Të gjithë jemi dëshmitarë se ky ligj nuk është fjala e fundit për gjuhën shqipe. Nuk kemi ligj të gjuhës shqipe, por ligj të gjuhëve, i cili e trajton shqipen si ‘gjuhë që flasin mbi 20%’, një kategorizim nënçmues për shqiptarët. Megjithatë, pranojmë se ky ligj ka sjellë një avancim në përdorimin e shqipes dhe gjuhëve të tjera.”
Mexhiti rikujtoi se qeveria e kaluar e kishte dërguar këtë ligj në Komisionin e Venecias, por nuk kishte ndërmarrë hapa për të zbatuar rekomandimet e dhëna.
