Biseda e mëngjesit të djeshëm mes presidentit serb Aleksandar Vuçiq dhe ambasadorit rus në Beograd Aleksandar Bocan Harchenko tërhoqi vëmendjen e mediave ruse.
Radio Govorit Moska raporton se “Serbia ka rënë dakord për një festë të përbashkët me Rusinë të 80-vjetorit të fitores mbi fashizmin dhe çlirimit të Beogradit nga pushtuesit nazistë – 20 tetor 1944”.
Vuçiq ka shkruar në rrjetet e tij sociale se ka falënderuar Rusinë për “mbështetjen diplomatike të Serbisë në skenën ndërkombëtare për çështje me rëndësi të madhe për vendin”.
Vedomosti shton se të dy palët “diskutuan tregtinë, kulturën dhe sigurinë rajonale”.
Presidenti i Serbisë shprehu mirënjohjen e tij për palën ruse për mbështetjen e saj diplomatike në skenën ndërkombëtare.
Gjatë takimit u bisedua edhe për situatën aktuale në Serbi dhe rajon.
“Vuçiq theksoi se vendi mbron dialogun në zgjidhjen e mosmarrëveshjeve në marrëdhëniet ndërkombëtare dhe është i gatshëm të marrë pjesë në iniciativat që synojnë arritjen e paqes dhe stabilitetit të qëndrueshëm”, tha Vedomosti.
TASS shkruan se Vuçiq dhe Harçenko diskutuan “tema me interes të ndërsjellë, veçanërisht në fusha të tilla si tregtia, kultura dhe siguria rajonale”.
Më herët, sipas TASS, zëvendëskryeministri Aleksandar Vulin deklaroi se marrëdhëniet ndërmjet Serbisë dhe Rusisë janë në nivel të lartë, pavarësisht përpjekjeve të forcave të jashtme për të prishur ndërveprimin mes dy vendeve.g.e.
