Nga faqet e “Gazzetta dello Sport”, trajneri aktual i Pisa-s, Pippo Inzaghi, ka folur kështu për mbrëmjen që e pret vëllanë e tij, i cili do të luajë finalen e Champions League në përballjen ndaj Barcelonës:
“Eh, ai ka një detyrë shumë më të vështirë se unë, por një gjysmëfinale e Champions-it është gjithmonë diçka shpërblyese. Për të qenë i sinqertë: e pashë Lamine Yamal, më la pa fjalë, është si Messi. Barcelona? Më kujton një gjysmëfinale me Milanin që e humba kundër tyre për shkak të një infeksioni bajamesh, më erdhi shumë keq. Tani është radha e Simones t’i mposhtë ata.”
Ndërkohë, vijnë edhe komplimentet për Pippon nga vëllai i tij, kampion i Italisë, përmes “La Nazione”:
“Të gjithë e dinë lidhjen që kam me Pippon. Nuk është një marrëdhënie normale vëllazërore, por diçka më shumë. Është një simbiozë e përkryer, si në jetën private, ashtu edhe në profesion. Sukseset e tij janë edhe të miat dhe anasjelltas. Jam ndier shumë i lumtur kur zgjodhi të vinte te Pisa. Kishte oferta të tjera të rëndësishme, por Pisa, sipas mendimit tim, ishte ambienti i përkryer për të. Një klub me histori, me drejtues seriozë dhe të përgatitur, një tifozwri me entuziazëm të jashtëzakonshëm.”
“Isha i bindur se të gjithë këto komponentë, së bashku me aftësitë e mëdha të Pippos, mund të sillnin rezultate të mëdha. Edhe pse kurrë nuk do ta kisha menduar një ecuri kaq triumfuese si ajo që kanë bërë së bashku. Duhet ta pranoj se në miqësoren që zhvilluam me Interin këtë verë, ndjeva një energji dhe atmosferë magjike. Në atë rast mbeta shumë i impresionuar dhe, si pasojë, besimi im u rrit. Nuk e fsheh që, për aq sa më kanë lejuar angazhimet e mia, kam ndjekur shumë ndeshje të Pisa-s, jam kthyer në një tifoz të zjarrtë të tyre. E shoh Pippon të lumtur dhe për mua kjo është një dhuratë e madhe.”s.net.
