Profesori amerikan i Johns Hopkins University, Edward P. Joseph, është takuar të hënën me emisarin sllovak, Miroslav Lajcak, ku kanë diskutuar për dialogun Kosovë-Serbi. Joseph ka thënë se është nder i veçantë të flasë për një temë të tillë me sllovakun, duke e cilësuar si “më i palodhuri”.
Joseph, vlerëson lartë punën e Lajçakut , si emisar gjatë këtyre katër viteve, ndërsa shprehet se askush nuk ka qenë më i përkushtuar ndaj detyrës së ndërmjetësimit të dialogut më shumë se Lajçak.
“Një nder i veçantë për të diskutuar për Dialogun Kosovë-Serbi në Bruksel me të palodhurin Miroslav Lajçak, Përfaqësues Special i BE-së. Faleminderit, Miro, për këto biseda domethënëse gjatë këtyre 4+ viteve të fundit. Askush nuk ka qenë më i përkushtuar ndaj detyrës”, ka shkruar Joseph.
