Darwin Nunez është kthyer në një nga objektivat kryesor të Juventusit për merkaton e ardhshme të verës.
Sulmuesi uruguaian është zgjedhja e skuadrës italiane në rast se Dusan Vlahovic do largohet në përfundim të këtij sezoni.
Me largimin e mundshëm të serbit, bordi i Juventusit ka përgatitur tashmë një ofertë prej 60 milionë eurosh në përpjekje për të bindur Liverpoolin të lërë të lirë Nunez.
Sulmuesi amerikano-jugor nuk i ka treguar të gjitha cilësitë e tij në Premier League, duke u shquar për fuqinë, shpejtësinë dhe aftësinë për të krijuar rrezik në zonën e kundërshtarit.
Duke qenë se vazhdimësia e tij në “Anfield” nuk është e siguruar, Juventusi dëshiron të përfitojë nga situata. Bardhezinjtë besojnë se Nunez përshtatet në mënyrë të përkryer me sistemin e tyre, për të dhënë sulmit intensitet dhe gola një skuadre që aspiron të kthehet në majat e Evropës.
Transferimi i mundshëm do të varet nga disa faktorë, duke përfshirë largimin e Vlahovic dhe pozicionin e Liverpoolit, që me siguri nuk do të heq dorë lehtë prej tij pa një ofertë bindëse. Juventusi, i vetëdijshëm për vështirësinë e operacionit, nuk përjashton rritjen e ofertës nëse është e nevojshme, pasi besojnë se uruguaiani ka potencialin për të bërë diferencën në Serinë A.s.n.