Mbrojtësi anglez, Lloyd Kelly, i huazuar tek Juventus nga Newcastle United në janar të këtij viti, është bërë tashmë blerje e përhershme e klubit bardhezi. Sipas marrëveshjes së huazimit, vendosja e detyrueshme e klauzolës së blerjes do të hynte në fuqi sapo Kelly të arrinte pragun minimal të ndeshjeve, një kriter lehtësisht i kapshëm që mbrojtësi e ka përmbushur me sukses.
Juventus pagoi 3 milionë euro për huazimin e tij, plus 0,8 milionë euro shpenzime shtesë, ndërsa klauzola e blerjes ishte 14,5 milionë euro, shumë që do të shpërndahet në tri vitet e ardhshme. Për këtë shumë do të shtohen edhe 2,7 milionë euro të tjera si kosto administrimi, si dhe bonuse deri në 6,5 milionë euro në rast arritjeje të objektivave sportivë. Në total, operacioni kap vlerën e mbi 27 milionë eurove.
Megjithatë, në bilancet e klubit, Juventus ka regjistruar menjëherë këtë marrëveshje si një blerje definitive me kosto 17,5 milionë euro, për të përmirësuar situatën financiare dhe për të respektuar rregullat e Fair Play–t financiar.
Me këtë lëvizje, Kelly i bashkohet zyrtarisht skuadrës së Juventusit, duke forcuar linjën mbrojtëse.
