Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 11 dhjetor, shkruan Kosova Post.
1931 – Themelohet Statuti i Westminster-it. Gjatë këtij statute, Parlamenti Britanik vendos barazinë legjislative midis Mbretërisë së Bashkuar dhe Dominimeve të Commonwealth-it, Ndër to, Australia, Kanadaja, Newfoundland-i, Zelanda e Re, Afrika e Jugut dhe Irlanda.Ky statut është në fuqi edhe sot e kësaj dite.
1941 – Gjatë Luftës së Dytë Botërore, Gjermania dhe Italia i shpallin luftë Shteteve të Bashkuara të Amerikës. Kjo ndodhi, pas deklaratës së amerikanëve ndaj Perandorisë së Japonisë, pas sulmit në Pearl Harbour. Shtetet e Bashkuara, nga ana tjetër, përpos Japonisë, i shpallin luftë gjithashtu, aleatëve të saj, Gjermanisë dhe Italisë.
1946 – Themelohet, Fondi i Kombeve të Bashkuara për Ndihmën ndaj Fëmijëve (UNICEF). Fondi i Kombeve të Bashkuara për Fëmijët, është një agjenci e Kombeve të Bashkuara përgjegjëse për sigurimin e ndihmave humanitare dhe zhvillimore për fëmijët në mbarë botën. Zyrat qëndrore të furnizimit të UNICEF-it është i vendosur në Copenhagen.
1950 – Lind në New York, Christina Onassis. Onassis, ishte një biznesmene greko-amerikane, dhe trashëgimtare e pasurisë së dinastisë Onassis. Ajo ishte vajza e vetme e Aristotel Onassis dhe Tina Onassis Niarchos. Gjyshi i saj, ishte Stavros G. Livanos, themeluesi i perandorisë së anijeve Livanos. Ajo ndoqi shkollën Headington në Oxford dhe Queen’s College, nga 1968 deri në 1969.
1990 – Fillojnë demonstratat nga studentët dhe punëtorët në të gjithë Shqipërinë, të cilat përfundimisht shkaktojnë rënien e komunizmit në vënd. Këto demostrata, u kryesuan nga Partia Demokratike e cila, do të merrte pushtetin një vit më vonë. Studentët takohen me Presidentin e vendit,Ramiz Alinë. Ata i bëjnë të ditur atij kërkesat e tyre. Zyrtarisht, kjo do të ishte edhe etapa e shkëputjes së Shqipërisë nga regjimi komunist.
2008 – Bernard Madoff u arrestua për akuzën e mashtrimit të letrave me vlerë në një skemë prej 50 miliardë dollarësh. Por në ditët në vijim, prokurorët vlerësuan se mashtrimi ishte me vlerë prej 64,8 miliardë dollarësh bazuar në shumat në llogaritë e 4,800 klientëve të Madoff duke filluar që nga 30 nëntori 2008.
2012 – Vdes në moshën 86 vjeçare, Galina Vishnevskaya. Vishnevskaya, ishte një këngëtare dhe soprano ruse, e operës që u emërua, Artiste Popullore e BRSS në vitin 1966. Ajo ishte gruaja e violinçelistit Mstislav Rostropovich, dhe nënë e dy vajzave të tyre, Olga dhe Elena Rostropovich. Ajo do të mbahet mënd si një ndër sopranot më të famshme në këtë vend.
