Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 12 korrik.
12 Korriku është dita e 193-të e vitit, kështu që deri në fund të vitit kanë mbetur edhe 172 ditë.
12 korrik 1536 – Erazmi i Roterdamit, filozof holandez dhe themelues i rrymës së Humanizmit që doli në pah gjatë periudhës së Rilindjes, vdiq në moshën 69-vjeçare. Sipas tij, kushti i parë i Humanizmit ishte përhapja e shkencës dhe arteve të bukura për të mundësuar bashkimin e Evropës nën strehën e një koncepti artistik dhe shkencor të përbashkët. Erazmi ishte armik i teologjisë skolastike dhe sidomos i Kishës, megjithatë nuk kishte qëllim ta mohonte besimin. Nëpërmjet mësimeve të tij humaniste, të cilat i përmblodhi në kryeveprën e tij me titullin tronditës “Lavdërimi i Marrëzisë”, ai kërkoi të zbulonte elementët e pastër dhe të thjeshtë të krishterimit, që ishin lënë pas dore dhe të paqartë nga racionalizmi i tepruar i doktrinës skolastike.
12 korrik 1993 – Një tërmet me magnitudë 7,7 ballë të shkallës Rihter, me epiqendër 17 km në thellësi të Detit të Japonisë, shumë pranë ishullit Hokaido, shkaktoi cunami me dallgë nga 5 deri në 30 metra të larta. Kjo fatkeqësi natyrore e dyfishtë u mori jetën 230 personave.
12 korrik 2006 – Ushtria izraelite filloi një operacion ushtarak kundër Libanit si kundërpërgjigje për sulmet raketore të Hizbullahut ndaj Izraelit dhe rrëmbimit të 8 ushtarëve izraelitë nga kjo organizatë. Pas 33 ditë luftimesh të ashpra në Libanin Jugor, ushtria izraelite u tërhoq e mposhtur, por la pas qindra civilë të vrarë.
100 BC – Lindi Gaius Julius Caesar (Jul Cezari), gjeneral romak, nga familje aristokrate që pretendonte se e kishte prejardhjen nga Iulus, bir i princit legjendar trojan, Enea.
927 – Aethelstan, Mbreti i Anglisë, siguron një premtim nga Constantine II i Skocise se ky i fundit nuk do të bëhej aleat me mbretërit Vikingë, duke shënuar fillimin e procesit të unifikimit të Britanisë. Kjo konsiderohet si data më e afërt e themelimit të Anglisë.
1493 – Nuremberg; del nga shtypi Kronika e Hartman Schedels, një nga librat e parë historikë të mirë-dokumentuar. Libri përshkruan historinë e botës, historinë njerëzore dhe gjithashtu historitë e disa qytete të rëndësishme evropiane. Libri u shkruar në latinisht nga Hartman Schedel, edhe me një version në gjuhën gjermane. Dijetarët latinë i referoheshin si Liber Chronicarum (Libri i Kronikave); anglisht folësit e quajnë Nuremberg Chronicles (Kronikat e Nurembergut), sipas qytetit në të cilën është botuar; ndërsa gjermanët i referohen si Die Schedelsche Weltchronik (Historia Botërore Schedelit), për nder të autorit.
1817 – SHBA; Lindi Henry David Thoreau, filozof amerikan dhe autor (v. 1862). Ndërkohë që jetonte në Walden Pond, Masaçusets, David pati një përplasje me ligjin dhe kaloi një natë në burg, pasi refuzoi për të paguar një taksë. Biografët thonë se kjo përvojë e shtyu atë për të shkruar një nga esetë e tij më të njohura dhe më me ndikim: “Mosbindja Civile ndaj Qeverisë. Mendimet politike të Thoreaut u ndjenë thellë, duke kundërshtuar skllavërinë dhe Luftën meksikane-amerikane. Ai paraqiti argumentin se veprimi duhet të bazohet në ndërgjegjen individuale dhe jo në bindjen verbërisht ndaj ligjeve dhe politikave të qeverisë. “Detyrimi i vetëm që kam është për të bërë atë që mendoj se është e drejtë,” shkroi ai. Që prej publikimit më 1849, “Mosbindja Civile” ka frymëzuar shumë udhëheqës së lëvizjeve protestuese kudo në botë, Kjo qasje jo e dhunshme e mosbindjes politike e shoqërore ndikoi Mohandas Gandhin, i cili ndihmoi Indinë të fitojë pavarësinë nga Britania, apo veprimtarin amerikan për të drejtat civile, Martin Luther King Jr, ose Ibrahim Rugovën e Kosovës për çlirimin e popullit të vet.
1862 – Kongresi amerikan autorizoi ndarjen e Medaljes së Nderit.
1962 – Grupi Rolling Stones jep koncertin e tij të parë, në Klubin Marquee në Londër, Angli.
Lindje
1817 – Henry David Thoreau, shkrimtar amerikan, vdiq më 1862
1849 –William Osler, shkencëtar amerikan, vdiq më 1919
1895 – R. Buckminster Fuller, shpikës amerikan, vdiq më 1985
1937 – Bill Cosby, aktor komik amerikan
1967 – John Petrucci – Kitaristi dhe themeluesi i bendit Dream Theater
Vdekje
1536 – Erazmo Roterdams, humanist, letrar, filolog dhe filozof holandez.
