Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 21 maj, shkruan Kosova Post.
21 Maji është dita e 141-të e vitit, deri në fund të tij janë edhe 224 ditë.
21 maj 1847 –Në kuadër të reformave të bëra me qëllim të riorganizimit të jetës shoqërore në periudhën e fundit të Perandorisë Osmane u hap zyra për rregullimin e procedurave të tapive (Defterhane Ish Amire Kalemi).
21 maj 1904 – Në Paris me pjesëmarrjen e 7 vendeve themelohet Federata Ndërkombëtare e Futbollit, FIFA.
21 maj 1971 – Vdes Avni Dilligil aktori i shquar i teatrit turk, i cili hapat e para në art i hodhi me rolin e tij në shfaqjen “Hamlet” në teatrin e qytetit në vitin 1927.
21 maj 1991 – Si pasojë e atentatit vdes Raxhiv Gandi (Rajiv Gandhi), i cili pas vrasjes së nënës së tij Indra Gandi (Gandhi) u bë kryeministri më i ri i Indisë.
878 – Qyteti Syracuse në Itali pushtohet nga sulltani mysliman i Sicilisë.
879 – Papa John VIII i jep bekimin Dukës kroat Branimir – kjo ditë konsiderohet si njohja ndërkombëtare e shtetit kroat, dhe një nga arsyet që kroatët i përkasin kryesisht besimit katolik. Historikisht, kroatët arritën në vendin ku janë sot gjatë fillimit të shekullit të 7-të. Ata organizuan shtetin në dy dukate nga shekulli 9. Tomislav u bë mbreti i parë më 925, duke krijuar mbretërinë e Kroacisë. Më pare rajoni banohej nga Ilirët liburnë, dalmatë. Në vitet 300, perandori iliro-romak Diokleciani ndërtoi një pallat të madh në Split, ku kaloi vitet e tij pas doreheqjes nga froni. Në shek. X, Kroacia u përfshi në perandorinë romake.
1502 – Zbulohet ishulli Shën Helena nga portugezi João da Nova.
1542 – Kolonizatori spanjoll Hernando de Soto vdiq në brigjet e lumit Misisipi, (sot Louisiana). Shokët e tij të ekspeditës e mbajtën vdekjen të fshehtë dhe e varrosën trupin në lumë, në mënyrë që indianët vendas të mos mësonin për vdekjen e tij, që të mos kuptonin se de Soto ishte i vdekshëm dhe jo hyjnor, siç u kishte thënë.
1819 – Biçikletat e para shihen nëpër rrugët e Nju Jorkut.
1688 – Në Londër, lindi Alexander Pope, poet anglez, pëkrthyesi i parë i Homerit në anglisht. Familaj e tij u konvertua në katolicizëm dhe për këtë arsye ai nuk u pranua në shkollë publike apo universitet. Alekstandër Pope arriti të vetë-arsimohej; mësoi frëngjisht, italisht, latinisht, dhe greqisht, dhe duke lexuar gjerësisht, në moshën 6 vjeçare zbuloi Homerin; më 1713 filloi punën për përkthimin e Iliadës; e ndau veprën në 6 vëllime, duke botuar çdo vit për gjashtë vjet nga një vëllim – kjo mënyrë i lejoi të jetonte me të ardhurat nga punë e tij, gjë që pak poetë në histori kanë qenë në gjendje ta bëjnë. Në të njëjtën mënyrë Pope përktheu edhe Odisenë.
1758 – Mary Campbell rrëmbehet nga shtëpia e saj në Pensilvani nga Lenape gjatë Luftës Indiane dhe Franceze.
1832 – SHBA, Baltimor, Maryland – Zhvillohet Kuvendi i parë kombëtar i Patisë Demokrate.
1840 – Zelanda e Re bëhet koloni britanike.
1864 – Rusia deklaron fundin e Luftës ruso- kirkasiane dhe shumë kirkizë detyrohen të mërgojnë. Kjo është caktuar të jetë Dita kirkize e zisë. Emri Kirkiz a Çerkez është aplikuar tradicionalisht për tatarët e Krimesë.
1871 – 1871 – Trupat franceze pushtojnë Komunën e Parisit. Luftime të ashpra u zhvilluan nëpër rrugë. Në fund të javës së përgjakshme rreth 20,000 komunarë u vranë dhe 38,000 të tjerë u arrestuar.
1881 – Kryqi i Kuq Amerikan themelohet nga Klara Barton. Në vitin 1869, gjatë udhëtimit të saj në Gjenevë, Zvicër, Barton u njoh me drejtuesit e Kryqit të Kuq ndërkomëtar dhe i lindi idea për krijimin e një dege të tillë në Amerikë. Kur Klara Barton u kthye në atdhe, ajo filloi lëvizjen për të siguruar nga qeveria njohjen e Komitetit Ndërkombëtar të Kryqit të Kuq. Klara organizoi mbledhjen e parë zyrtare të Kryqit të Kuq amerikan në apartamentin e saj në Washington, DC, 21 maj 1881. Shoqata e parë vendore e kryqit të kuq u themelua më 22 gusht 1882 në Dansville, Livingston, New York. Klara Barton vdiq më 1912, në moshën 90 vjeçare.
1904 – Fédération Internationale de Football Association (FIFA) u themelua në Paris.
1940 – Një force e posaçme ushtarake në Gjermani vret mbi 1.500 të sëmurë mendorë pacientë spitali në Prusinë Lindore. Vrasjet ishin pjesë e programit nazist për zhdukjen e çdo njeriu që konsiderohej i “papërshtatshëm” për të jetuar.
1973 – Shqipëri, në burgun politik të Spaçit nisi revolta e 100 të burgosurve, fillimisht si kundërshtim ndaj rregullave dhe kushteve të këqija në burg, dhe pastaj si kundërshtim ndaj regjimit. Të burgosurit u rrethuan nga trupa ushtarake të ardhur me nxitim nga Shkodra e Tirana, ndërsa në tarracën e burgut protestuesit valvisnin një flamur të Skënderbeut pa yllin komunist, duke kënduar këngë patriotike dhe hedhur parrulla kundër diktaturës. Protesta në burg brenda një vendi të izoluar u shtyp; 4 nga të burgosurit protestues u dënuan me pushkatim, 8 u ridënuan me 25 vjet burg, 70 të tjerë u rigjykuan. Në vitin 1984, një kryengritje e ngjashme u zhvillua në burgun e Qafë Barit. Të dyja ngjarjet u lanë në heshtje – shtypi atëhere nuk merrej me aspekte të tilla të realitetit socialist.
2002 – Qeveria britanike filloi një ofensivë kundër drogës në shkolla, duke u shprehur për përjashtimin përfundimtar të çdo nxënësi që kapet me drogë në mjedisin shkollor dhe duke shpërndarë fotografi të një studenteje që kishte vdekur nga mbidoza.
2003 – Një tërmet i fuqishëm godet Algjerinë Veriore, duke shkaktuar vdekjen e më tepër se 2.000 personave.
2006 – Republika e Malit të Zi mban referendum për pavarësimin nga unioni shtetëror me Serbinë. Populli i Malit të Zi zgjodhi pavarësinë me një shumicë prej 55 për qind.
2012 – Aksident tragjik në Himarë, Shqipëri – 13 persona vdesin dhe 21 të tjerë plagosen kur autobusi i tyre bie 80 metra në humnerë. Viktimat ishin kryesishtë studentë nga universiteti Aleksandër Xhuvani, Elbasan, që po udhëtonin drejt Sarandës, në kuadër të një programi mësimor.
