Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 3 prill.
3 prill 1930 – Gruas në Turqi iu njoh për herë të parë e drejta për të zgjedhur dhe për t’u zgjedhur. Në bazë të “Ligjit për Vetëqeverisjen Vendore”, miratuar në Kuvendin e Madh Popullor të Turqisë, gruaja turke fitoi të drejtën për të zgjedhur dhe për t’u zgjedhur në zgjedhjet bashkiake.
3 prill 1937 – Në rrethin Karabuk, me direktivën e Presidentit Mustafa Kemal Ataturk dhe pjesëmarrjen e Kryeministrit Ismet Inonu, u hodhën themelet e Kombinatit Metalurgjik të Hekur-Çelikut, impianti i parë i industrisë së rëndë në Turqi.
3 prill 2018 – Në rrethin Mersin filloi ndërtimi i Centralit të Energjisë Bërthamore “Akkuyu”, i pari i këtij lloji në Turqi. Ceremonia e hedhjes së themeleve u realizua me pjesëmarrjen e Presidentit Recep Tayyip Erdogan dhe homologut të tij rus, Vladimir Putin.
1919 – Me kërkesën e qeverisë shqiptare, Kryqi i Kuq amerikan mbërrin në Shqipëri për të shpërndarë ndihma humanitare; vendi ishte rrënuar nga Lufta e parë. Kryqi i Kuq i vendosi zyrat kryesore në Tiranë dhe ngriti qendra të tjera në Durrës, Shkodër dhe Elbasan, të cilat u pajisën me mjekë, infermiere, dentistë dhe personel tjetër ndihmës. Shumica e furnizimeve me ushqime, barna dhe veshje u sollën me anije në Durrës, ndërsa spitale e klinika u ngritën në çdo qendër. Në bashkëpunim me autoritetet shqiptare, Kryqi i Kuq Amerikan hapi edhe shkolla fillore të pajisura me libra, fletore dhe mjete të tjera mësimi, si dhe morri në punë, me pagesë, arsimtarë shqiptarë.
1948 – Presidenti amerikan Harry Truman nënshkruan Planin Marshall prej miliarda dollarësh në ndihmë për rindërtim në 16 vende evropiane të rrënuara nga lufta, përfshi Gjermaninë. Ndihma nga Shtetet e Bashkuara fillimisht ishte në ushqime, lëndë djegëse, makineri dhe më pas nëpërmjet investimeve në kapacitetin industrial të Evropës. Financimi i Planit Marshall përfundoi në vitin 1951. Ekonomitë e Evropës u rritën në një shkallë të paparë; marrëdhëniet në të gjitha fushat çuan në krijimin e Aleancës së Atlantikut të Veriut (NATO); ndërsa begatia ekonomike e udhëhequr nga industritë evropiane të qymyrit dhe çelikut ndihmoi në hedhjen e themeleve të atij që sot njihet si BE ose Bashkimi Evropian.
1949 – Uashington D.C.: SHBA-ja, Britania, Franca dhe Kanadaja nënshkruajnë paktin e Traktatit të Atlantikut të Veriut, NATO; të nesërmen ky pakt do të nënshkruhej edhe nga 8 vende të tjera evropiane;, Belgjika, Danimarka, Islanda, Italia, Luksemburgu, Holanda, Norvegjia, Portugalia.
1973 – Në Nju Jork realizohet thirrja e parë me telefon celular.
Lindje
1367 – Henry IV, mbret i Anglisë († 1413)
1928 – Ibrahim Galimuna, patriot dhe tipograf shqiptarë
1930 – Helmut Kohl, politikan gjerman
1933 – Fitnete Rexha, këngëtare shqiptare
1957 – Shpendi Sollaku Noè, shkrimtar shqiptar
1961 – Eddie Murphy, aktor dhe komedian afro-amerikan
Vdekje
1849 – Juliusz Słowacki, shkrimtar polak (l. 1809)
