Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 28 mars, shkruan Kosova Post.
28 Marsi është dita e 87 e këtij vitit, deri në fund të tij janë edhe 288 ditë.
28 mars 1939 – Forcat e gjeneralit Franko morën kontrollin e Madridit duke i dhënë fund luftës civile që vazhdonte prej vitit 1936 në Spanjë. Në këtë mënyrë filloi periudha diktatoriale spanjolle që do të vazhdonte deri në vitin 1975.
28 mars 1965 – Në Alabama të Shteteve të Bashkuara të Amerikës, 25 mijë njerëz të udhëhequr nga aktivisti Martin Luther King marshuan për të drejtat civile dhe kundër racizmit.
28 mars 1970 – Qytaza Gediz e rrethit Kytahia të Turqisë u trondit nga një tërmet i fuqishëm, i cili u mori jetën 1.086 njerëzve dhe shkatërroi rreth 10.000 ndërtesa.
28 mars 1991 – Regjimi i Saddam Husseinit bëri masakër në qytezën Altinkopru të provincës Kirkuk të Irakut duke pushkatuar mbi 100 turkmenë, mes të cilëve edhe fëmijë.
1794 – Muzeu i Louvrit hapet për publikun (edhe pse zyrtarisht ishte hapur që nga gushti i vitit 1793).
1845 – Meksika ndërpret marrëdhëniet diplomatike me SHBA-në. Tensionet midis dy vendeve ishin krijuar si rezultat i përpjekjeve amerikane për të populluar territore nën kontroll meksikan, dhe arritën kulmin me aneksimin e Teksasit, një ish- territor meksikan.
1930 – Lindi në Paris Amelia Rosselli, poete, bija e aktivistes angleze Marion Cave dhe Carlo Rossellit, intelektual hebre fiorentin, hero dhe përfundimisht martir i Rezistencës anti – fashiste evropiane. Emelia u rrit si refugjate mes Francës, Anglisë, dhe Shteteve e Bashkuara – më në fund u vendos në Romë. E vetëquajtur “poete hulumtuese” Amelia ishte përkthyese, muzikante, muzikologe, dhe autore e 8 përmbledhjeve me poezi. Ajo përktheu në italisht disa poetë, përfshi Emily Dickinson e Sylvia Plath, dhe është konsideruar gjerësisht një nga poetët më të rëndësishëm italianë të gjysmës së dytë të shekullit XX. Amelia Rosselli vrau veten në shtëpinë e saj në Romë në vitin 1996.
1930 – Konstandinopoja dhe Angora ndryshojnë emrat për Stamboll dhe Ankara.
Lindje
1914 – Bohumil Hrabal, shkrimtar çek (vdiq më 1997)
1936 – Mario Vargas Llosa, shkrimtarë peruan, laureat i Çmimit Nobel për Letërsi
Vdekje
1969 – Dwight Eisenhower, politikan amerikan, 34. kryetar i SHBA-së (lindi më 1890
