Ministri i Mbrojtjes, Ejup Maqedonci, tha se këta kamionë 10 prej të cilëve janë blerë nga Republika Federale e Gjermanisë e pesë donacion, janë ndër më modernët, multifunksional, të dizajnuar për operacione logjistike dhe taktike, përcjell Kosova Post.
Tutje është shprehur Maqedonci se Forca e Sigurisë së Kosovës çdoherë e më e pajisur për të garantuar përmbushjen e misionit të saj kushtetues.
Postimi i plotë i ministrit Maqedonci në Facebook:
Kamionët ushtarak RheinMetall MAN HX2, 8×8, prodhim gjerman, i janë shtuar arsenalit të ushtrisë tonë.
Këta kamionë të cilët si Qeveri i kemi blerë nga Republika Federale e Gjermanisë dhe disa i kemi pranuar si donacion, janë ndër më modernët, multifunksional, të dizajnuar për operacione logjistike dhe taktike.
Karakteristikat e reja të këtij kamioni të pastër ushtarak janë shumë mbresëlënëse. Falë sistemeve të ndryshme të asistencës, HX2 u ofron ushtarëve dhe mjedisit civil siguri më të madhe në përdorimin e përditshëm të automjeteve dhe garanton dukshëm më shumë mbrojtje në kabinë.
Menaxhimi i flotës në këta kamionë gjithashtu bëhet më i thjeshtë dhe më efikas, ndërsa konfigurimi i përgjithshëm mundëson transportimin e municioneve në terrene të vështira.
Forca e Sigurisë së Kosovës çdoherë e më e pajisur për të garantuar përmbushjen e misionit të saj kushtetues./Kosova Post/
