Prokuroria Speciale e Kosovës (PSRK) ka kërkuar një muaj paraburgim ndaj të pandehurit A.V. për shkak të veprës penale “Spiunazh”.
Ai u arrestua të mërkurën mbrëma pas hetimeve disamujore nëpërmjet Agjencisë së Kosovës për Inteligjencë (AKI) dhe Policisë së Kosovës, raporton “Betimi për Drejtësi”.
“Kërkesën për caktimin e paraburgimit kjo prokurori e ka paraqitur, pasiqë ekziston dyshimi i bazuar se i njëjti ka kryer veprat penale: “Spiunazhi” nga neni 124 par. 3 të KPRK-së dhe “Mbajtja në pronësi, kontrollë ose posedim të paautorizuar të armëve” nga neni 366 par 1 të KPRK-së”, thuhet në njoftimin e PSRK-së.
