Bisedimet e paqes midis shefit të grupit rebel, Segunda Marquetalia, dhe qeverisë kolumbiane, filluan në Karakas, Venezuelë, të hënën.
Një nga falangat më të mëdha që la ish-guerrilën e FARC-un, Segunda Marquetalia, bie dakord për një marrëveshje me qeverinë kolumbiane për një armëpushim dhe lirimin e pengjeve, njoftuan të dy palët në një deklaratë, transmetojnë mediet e huaja.
Bisedimet në kryeqytetin e Venezuelës, Karakas, filluan të hënën dhe janë të tretat nën udhëheqjen e presidentit Gustavo Petro, i cili po përpiqet t’i japë fund konfliktit 60-vjeçar midis forcave të sigurisë së vendit, grupeve guerile, grupeve paraushtarake dhe bandave të drogës.
Data e fillimit të marrëveshjes nuk është bërë e ditur. Në deklaratë thuhet se armëpushimi i njëanshëm nuk kufizon “kompetencat kushtetuese dhe ligjore” të forcave të sigurisë kombëtare.
Grupi gjithashtu duhet të ketë rënë dakord që të mos vazhdojë të jetë i armatosur ose i veshur me uniformë në zonat urbane ose në rrugë, në tokë ose në det.
