Shefi i shtabit të përgjithshëm të forcave të armatosura serbe, Milan Mojsiloviq, e ka pritur sot në një takim lamtumire komandantin e KFOR-it, Enrico Barduani, i cili do të dorëzojë detyrat e tij si Komandant i KFOR-it muajin e ardhshëm.
Sipas njoftimit nga ministria serbe e mbrojtjes, në takim është diskutuar për sfidat e sigurisë, situatën aktuale dhe aktivitetet që ushtria serbe dhe KFOR-i ndërmarrin për të ruajtur paqen dhe sigurinë mes Serbisë dhe Republikës së Kosovës.
Komandanti i ri i KFOR-it do të jetë Ozkan Ulutas, i cili do të shërbejë mandatin e tij të dytë në këtë pozicion, pasi ka shërbyer si Komandant i KFORit në Kosovë nga tetori 2023 deri në tetor të vitit të kaluar.
