Ministri i Bujqësisë, Faton Peci kërkon nga ministrit të Ministrisë së Mjedisit Planifikimit Hapësinor dhe Infrastrukturës, Liburn Aliu që përmes kompetencave që ka kjo ministri, të asistojë në implementimin e aktgjykimit, për lirimin e objekti operatori ekonomik po vepron kundërligjshëm, përcjell Kosova Post.
Kjo kërkesë drejtuar ministrit Aliu, sipas Pecit ishte e patejkalueshme pasi Komuna e Prishtinës vazhdimisht nuk shpreh vullnet që t’i zbatojë aktgjykimet e formës së prerë të shkallës së dytë të Gjykatës Komerciale, për t’i liruar hapësirat që janë pronë e Ministrisë së Bujqësisë.
Postimi i plotë i ministrit Peci në Facebook
Mirëmëngjes!
Duke u përballur me mungesë të vazhdueshme të vullnetit për bashkëpunim dhe sabotim nga Komuna e Prishtinës që t’i zbatojë madje edhe aktgjykimet e formës së prerë të shkallës së dytë të Gjykatës Komerciale, për t’i liruar hapësirat ku po vepron njëri nga operatorët ekonomik në mënyrë të kundërligjshme, pronë e Ministrisë së Bujqësisë, sapo i dërgova kërkesë Ministrit të Ministrisë së Mjedisit, Planifikimit Hapësinor dhe Infrastrukturës z. Liburn Aliu, që përmes kompetencave që ka kjo ministri, të asistojë në implementimin e aktgjykimit.
