Kërkesat për ndërtimin e një çerdheje publike në rrugën “Nexhat Lumnica” nuk kanë të ndalur tash e një vit nga banorët e lagjes “Kodra e Trimave”.
Megjithatë, deri më tani, ata nuk kanë arritur të marrin asnjë përgjigje nga institucionet përgjegjëse.
Për këtë arsye, sot përfaqësuesit e kësaj zone e kanë dorëzuar fizikisht një peticion, i cili ishte nënshkruar nga rreth 300 banorë të kësaj ane, njofton Klankosova.tv.
Ata po kërkojnë ndërtimin e një çerdheje publike në këtë zonë, pasi, sipas tyre, janë të detyruar t’i dërgojnë fëmijët në çerdhe në lagje të tjera.
