Ish-nënkryetari i Kuvendit të Kosovës, Glauk Konjufca, ka deklaruar se në Mitrovicë po vërehet një entuziazëm i madh qytetar në prag të zgjedhjeve të 28 dhjetorit.
Përmes një postimi, Konjufca u shpreh se gjatë takimeve në qytetin e Mitrovicës po ndihet energjia e fitores, duke theksuar përfshirjen e gjerë të qytetarëve dhe aktivistëve në aktivitetet politike.
“Bashkë me qytetarë e aktivistë vazhdojmë drejt 28 dhjetorit pa lëshuar pe”, ka theksuar ai, duke nënvizuar vendosmërinë për të çuar përpara angazhimet politike deri në ditën e zgjedhjeve.
Sipas Konjufcës, mobilizimi dhe mbështetja e treguar nga qytetarët e Mitrovicës janë dëshmi e besimit ndaj vizionit dhe programit të Lëvizjes Vetëvendosje.
