Kuvendi i Kosovës mbajti një seancë solemne me rastin e vizitës së ish-kryeministrit të Britanisë së Madhe, Tony Blair.
Gjatë fjalës së tij kryetari i Kuvendit të Kosovës Glauk Konjufca, shprehu konsideratën më të lartë ndaj ish-kryeministrit britanik.
Konjufca tha se Blair dha kontributin e jashtëzakonshëm në ditët më të vështira të popullit të Kosovës.
“Falë kontributit të tij, të presidentit Bill Clinton e të pëfaqësuesve të NATO-s, gjeneralit Clark e shumë përfaqësuesve të tjerë të shteteve demokratike. Falë vendosmerisë së tyre dhe luftës së Ushtrisë Çlirimtare të Kosovës, ndalën gjenocidin e Serbisë”, tha Konjufca.
