Kryetari i Kuvendit të Kosovës, Glauk Konjufca, ka uruar qytetarët për Krishtlindjen ortodokse.
Ndërsa shprehu urimet, Konjufca tha që sot e përgjithmonë të mbizotërojë mirësia, toleranca, solidariteti dhe përshkushtimi ndaj më të mirë për njëri-tjetrin dhe për shoqërinë tonë.
“Gëzuar Krishtlindjen Ortodokse të gjithë qytetarëve tanë të këtij besimi! Në frymën e kësaj feste të shpresës, harmonisë dhe paqes, uroj që sot e gjithmonë të mbizotërojë mirësia, toleranca, solidariteti dhe përkushtimi ndaj më të mirës për njëri-tjetrin dhe për shoqërinë tonë. Kjo ditë e shënuar e Krishtlindjes Ortodokse të kalendarit Julian, uroj t’i gjejë ata që e festojnë me shëndet, begati dhe përmbushje shpirtërore, me mesazhet më të mira e më të ngrohta të dashurisë dhe paqes”, ka shkruar Krekuvendari Konjufca në Facebook.
