Profesor Dr. Beqir Ismaili, përkatësisht Drejtor i Përgjithshëm i Akademisë Diplomatike në kuadër tëMinistrisë së Punëve të Jashtme dhe Diasporës së Republikës së Kosovës, mori pjesë në Forumin e 49-të Ndërkombëtar për Trajnime Diplomatike (IFDT) në Bangkok, Tajlandës, transmeton Kosova Post.
Për herë të parë, Instituti i Punëve të Jashtme Devawangs Varupakarn i Ministrisë së Punëve të Jashtme të Tajlandës po pret Forumin Ndërkombëtar për Trajnimin Diplomatik (IFDT).
Ky është Takimi i 49-të Vjetor i Drejtorëve të Akademive Diplomatike dhe Institutit të Studimeve Diplomatike qe u mbajt nga 12-15 dhjetor 2023 në Chatrium Grand Hotel, Bangkok.
Nën sloganin “E ardhmja e Diplomacisë: Tendencat, Mjetet dhe Trajnimi për Diplomatët e Epokës së Re”.
Në takim morën pjesë më shumë se 100 persona, duke përfshirë drejtorë nga 46 akademi dhe institute diplomatike në 41 vende të botës.
Tema e forumit të këtij viti ishte e ardhmja e diplomacisë dhe mjetet dhe teknikat më të spikatura të përdorura në epokën e teknologjisë për të çuar përpara punën diplomatike.
Forumi diskutoi gjithashtu zhvillimet globale dhe ndikimin e tyre në trajnimin diplomatik dhe shkëmbyen vizione mbi mënyrat inovative për t’iu përshtatur këtyre ndryshimeve, në disa sesione dialogu.
