Ministrat e Jashtëm të vendeve anëtare të NATO-s do të mblidhen për një takim në Bruksel në fillim të muajit të ardhshëm, tha në një deklaratë të mërkurën zyra e shtypit e aleancës.
“Ministrat e Punëve të Jashtme Aleate do të takohen në selinë e NATO-s në Bruksel më 3-4 prill 2025”, thuhet në deklaratë. Takimet do të drejtohen nga Sekretari i Përgjithshëm i NATO-s, Mark Rutte.
Axhenda e takimit të paralajmëruar të kryediplomatëve të NATO-s nuk është bërë e ditur në deklaratë.
