Ministri i Jashtëm turk, Mevlüt Çavuşoğlu, propozon një dialog me Greqinë për ishujt e Egjeut me “status të papërcaktuar”nisur nga fakti se po ndërmerren hapa afrimi mes dy vendeve dhe është një “mundësi” për të diskutuar dhe gjetur zgjidhje menjëherë.
“Që kjo atmosferë pozitive të jetë e përhershme, duhet të ndërmerren hapa për zgjidhjen e problemeve komplekse, të pazgjidhura prej vitesh.Është e nevojshme të braktisim tensionet, veçanërisht në Egje dhe të braktisim shkeljet”, tha ministri i Jashtëm turk, në një intervistë për rrjetin televiziv HABER.
“Duhet të theksojmë bashkëpunimin në Mesdheun lindor, nuk i anashkalojmë të drejtat e askujt, por themi se do të mbrojmë gjithmonë të drejtat tona dhe të popullit turk të Qipros Veriore dhe Republikës Turke të Qipros Veriore, por në Mesdheun lindor, ekziston vetëm Greqia. Unë them që në Qipro janë të dyja palët, Izraeli,është Egjipti, është Libani, është Siria, nesër kur të krijohen kushtet, Libia, është edhe Palestina. Duhet të punojmë së bashku”, shtoi ai.
“Sa i përket ishujve të Egjeut, ka ishuj me status të paqartë, ka shkelje që përmenda më herët, është çështja e hapësirës ajrore, ka disa diskutime për rritjen e ujërave territoriale nga 6 milje në 12 milje herë pas here. Të gjitha këto janë çështje mosmarrëveshjeje, çështje që nuk janë zgjidhur prej vitesh. Tani në mes të kësaj atmosfere pozitive, ne duhet të negociojmë dhe duhet të vendosim se si t’i zgjidhim ato”, vuri në dukje ministri i Jashtëm turk.
Mevlut Çavusoglu pohoi gjithashtu se Greqia dhe Turqia duhet t’i zgjidhin të gjitha çështjet si një paketë, pasi siç theksoi ai, “nëse zgjidhim njërën dhe jo tjetrën, tensioni do të vazhdojë…”.
“Që kjo atmosferë pozitive të jetë e përhershme, duhet të ndërmerren hapa në këtë drejtim, fillimisht në bisedimet që i quajmë eksploruese dhe më pas në bisedimet që i quajmë konsultime.Fatkeqësisht, në të kaluarën, në periudhën para nesh, ka pasur propozime të ndërsjella, ka pasur negociata, por nuk ka pasur hapa konkretë…”, shtoi Cavusoglu dhe argumentoi se nëse ndodh një aksident, kjo atmosferë pozitive mund të zhduket.
“Që të mos zhduket, duhet trimëri reciproke nga të dy vendet. Duket gjithashtu se mund të ketë një kompromis, por fatkeqësisht verën e kaluar dhe në disa momente, veçanërisht në pushime etj. Greqia i shkeli pak”,deklaroi ministri i Jashtëm turk.
Gjatë intervistës, Mevlut Çavusoglu iu referua edhe SHBA-së: “Ne shohim që SHBA-të kanë prishur ekuilibrin në Greqi dhe në sektorin qipriot grek. Greqia shkeli regjimin e çmilitarizimit të ishujve. Në këto ishuj shkuan automjete të blinduara nga SHBA. Nëse SHBA dëshiron të jetë një ndërmjetës i pastër, duhet të jetë më objektiv”.
“Ne kemi parë që qeveria ka bërë shumë përpjekje për çështjen e F-16. Ka pasur disa kundërshtime në Kongres dhe ata duhet të binden. Nëse qeveria amerikane qëndron e vendosur, ajo mund t’i rezistojë atyre. Ne shohim që qeveria, përfshirë ambasadorin në Ankara, ka punuar shumë për Kongresin kohët e fundit. Nuk është se po presim F-16 për shkak të zgjedhjeve. F-16 nuk janë një çështje një palë, është çështje e një vendi anëtar të NATO-s të cilit duhet t’i dorëzohen. Që në fillim thamë që nuk mund të merren me kushte. Qeveria amerikane duhet të ndërhyjë në mënyrë më efektive në Kongres”, rekomandoi Cavusoglu.
