Kryeministri i Shqipërisë, Edi Rama, ka thënë se aeroporti ndërkombëtar i Vlorës, do të jetë gati në fund të vitit për t’u futur në testet e certifikimeve evropiane.
Kështu ka bërë të ditur Rama, ndërsa thekson se verën e ardshme në aeroport do të priten pasagjerët e parë.
“Mirëmëngjesi, dhe me fluturimin e legjendarit Alket Islami mbi pistën e aeroportit ndërkombëtar të Vlorës, e cila do të jetë gati në fund të vitit, për t’u futur në testet e certifikimeve europiane dhe për të pritur pasagjerët e parë verën e ardhshme, ju uroj një ditë të bukur”, theksoi Rama.
Më 20 prill 2021 u nënshkrua kontrata me kompaninë fituese për ndërtimin e aeroportit të Vlorës. Ky aeroport do të jetë i treti në vend me fluturime transoqeanike.
