Kuvendi Komunal në Prishtinë ka vendosur që të kthejë orarin e vjetër të barnatoreve, atë nga ora 07:00 deri 22:00.
Vendimi u mor me 40 vota pro, asnjë kundër dhe asnjë abstenim, teksa ishte propozimi i Partisë Demokratike të Kosovës që të rikthehet orari i dikurshëm.
Ende nuk dihet se cili do të jetë varianti i ri për orarin e mesnatës.
“Pacientët e kryeqytetit në vitin e fundit hasën në shumë vështirësi në furnizim me barëra gjatë kujdestarisë, posaqërisht në situata emergjente dhe për pasojë ishin detyruar që të furnizohen me këto barëra nga barnatoret në komunën e Fushës Kosovës apo Graçanicës. Pas anulimit që u bë, PDK Prishtinë kërkon që kjo rregullore të kthehet në debat publik dhe vendimarrja lidhur me këtë çështje të kthehet tek qytetarët”, ka shkruar asamblisti i PDK-së, Leutrim Retkoceri në Facebook.
Në shtator të vitit të kaluar kishte hyrë në fuqi rregullorja e re për orar, e cila përcaktonte që ditëve të javës të ketë pesë barnatore kujdestare në kryeqytet, shkruan rtk.Orari i kujdestarisë ishte nga ora 21:00 deri në 07:00 të mëngjesit.rtk
