Sot një vit më parë në Zveçan pati protesta të dhunshme ku grupet kriminale të dirigjuara nga Serbia me qëllim të moslejimit të ushtrimit të detyrës zyrtare të katër kryetarëve të komunave në veri, ndërsa u sulmuan edhe pjesëtarë të KFOR-it e u lënduan rëndë, por u sulmuan edhe policia e gazetarët, përcjell Kosova Post.
Për këtë ngjarje njëvjeçare ka reaguar Lëvizja Vetëvendosje, e cila kujton rastin, ndërsa theksojnë se “Republika nuk pezullohet”.
Më pas nga kjo parti, vënë në kujtesë kronologjinë e ngjarjeve dhe veprimet e marra të Qeverisë për vendosjen e rendit dhe kushtetutshmërisë në veri.
‘Sot u bë një vit kur grupe kriminale të organizuara dhe dirixhuara nga Serbia me qëllim moslejimin e ushtrimit të detyrës zyrtare të katër kryetarëve në veri sulmuan Policinë e Kosovës, ushtarët e KFOR-it dhe gazetarët e pranishëm. Në Zveçan para objektit të komunës me 29 maj janë plagosur mbi 90 ushtarë të KFOR-it prej tyre dhjetëra me pasoja të përhershme.”
Ndërsa kujtojnë veprimet e dirigjuara nga Serbia, LVV kthen vëmendjen tek e sotmja.
“Insistimi i institucioneve të Republikës së Kosovës ka bërë që atje sot pamja të jetë krejt ndryshe sepse nuk ka tjetër alternativë pos zbatimit të kushtetushmërisë, ligjshmërisë dhe kësisoj ruajtjes së sovranitetit e integritetit territorial të Republikës së Kosovës.Një një vit pas, Komuna e Zveçanit funksionon, me kryetar, me stemën e flamurin e Republikës së Kosovës”, theksojnë zyrtarë nga LVV.
