Kryeministri i Kosovës, Albin Kurti, kandidatitn për kryetar të Rahovecit nga radhët e partisë së tij, Visar Korencan, e ka portretuar si thesar për Rahovecin, transmeton Kosova Post.
Përmes një postimi në Facebook, Kurti tutje thotë se Korenica angazhohet për fshatin e qytetin, për bujkun e për punën, për edukimin e për zhvillimin.
“Rrallë kam dëgjuar dikë të flasë më me dashuri për qytetin e tij sesa Visar Korenica për Rahovecin. Përgjatë viteve të fundit kemi marrë pjesë bashkë në shumë aktivitete, panaire e festivale në Rahovec e jashtë tij. Edhe përvojën e punës Visari e ka në Rahovec por edhe në qytete të tjera. Në zgjedhjet e fundit u bë deputet i Republikës por ai gjithmonë e zgjedh Rahovecin. Andaj, angazhohet për fshatin e qytetin. Për bujkun e për punën, për edukimin e për zhvillimin. Për jetën sportive dhe kulturore. Për jetën në përgjithësi. Ai udhëheq mirë ashtu siç përfaqëson drejt. Visari është thesar për Rahovecin”, ka shkruar Kurti.
