Mes mija shqiptarëve ishim mbrëmë, e salla ishte vetëm me zvicerran.
Aktori i njohur Çun Lajçi,ka shprehur zhgënjimin e tij ndaj heshtjes së komunitetit shqiptarë në Zvicërr,sa i përket botës së artit,por edhe hezitimit të tyre t’jenë të përbashkuar,si komunitet,transmeton kosovapost
Aktori i shquar Lajçi,ka shkru në rrjetin e tij facebook që shqiptarët sikur hezitojnë t’shkojnë n’evente kulturore!
Mbas shfaqjes se filmit kosovar “The land within”, spektatorët s’lëvizin nga karriget. U ka pëlqyer filmi tej mase! Presin të shfaqen aktorët, (të gjallë), para tyre! Duan ti shohin! Të bisedojnë! Ta kuptojnë nga u vie gjith ky entuziazem, gjithë ky nur n’artin e imazheve, kur dihet se sa industri e vogël është kinematografia kosovare!
Duartrokasin. Na mirëpresin! Përshendetemi e flasim, u përgjigjemi pyetjeve të lloj-llojshme!
Salla plot swiss roman e pesë-gjashtë shqiptarë!
Mua me kaplon gazepi! E marr mikrofonin dhe e kritikoj producentin zvicerran; – pse se keni lajmërua komunitetin tim përmes mediave televizive? Gjeneva ka mija e mija shqiptarë?
– Zoti artist, me përgjigjet organizatori. I kemi lajmërua jo dje, jo pardje, por që 10 ditë rrjesht e bëjmë njoftimin, që t’vinë ta shohin filmin e tyre, artistët e tyre, artin e tyre. Por ja që s’erdhen!
Mua me mbulon gazepi edhe më shumë!
Kur dalim përjashta me afrohen dy studente shqiptare, dhe me pyesin; – bac, a do t’vinit në organizimet studentore t’na nderoni me ndonjë fjalim frytdhënës,apo recitim ashtu siç dini ju, sepse s’del bir nëne t’na bëjë bashkë, e mija e mija shqiptarë ka Gjeneva!
Po! Do t’vi i përgjigjem, sepse shqiptarët e Gjenevës gjithmonë kan hezituar t’jenë të përbashkuar. Shumë vite (mbas luftës) djemtë e Zhegres u përpëliten për “Ditet e Agimit” dhe paten sukses, por tani edhe ata u bënë të heshtur!
Keq!
Mes mija shqiptarëve ishim mbrëmë e salla ishte vetëm me zvicerran.
Shqiptarët sikur hezitojnë t’shkojnë n’evente kulturore për t’parë filmat dhe artistët e tyre!
Aktori paralajmëron që sot do t’jemi në Neuchatel e neser në Zurich!
