Kryeministri në detyrë i Kosovës, Albin Kurti para dy ditëve kishte publikuar një hartë të Kosovës se si duket pas certifikimit të rezultatit të zgjedhjeve, me votat që secila parti ka marrë nëpër Kosovë.
Por sot ai përmes një postimi në Facebook, ka thënë se kishte bërë një lëshim në postimin e mëhershëm lidhur me rezultatet e zgjedhjeve parlamentare të vitit 2025.
Kurti ka sqaruar se harta e publikuar nuk përfshinte votat e mërgatës, votat me kusht dhe ato të personave me nevoja të veçanta.
Ai ka theksuar se pas përfshirjes së këtyre votave, Vetëvendosje ka dalë e para edhe në komunën e Klinës, duke ndryshuar kështu hartën zgjedhore.
“Ju kërkoj falje për këtë lëshim. Ju faleminderit për përkrahjen,” ka shkruar Kurti në Facebook.
Sipas përditësimit, LVV ka fituar në 22 komuna, PDK në dy, LDK në një, AAK me Nismën Socialdemokrate në dy, KDTP në një, ndërsa LS në 10, gjashtë prej të cilave janë komuna të Ahtisaarit.
