Kryeministri i vendit, Albin Kurti ka vizituar sot familjen e komandant Ahmet Kaçiku në 26-vjetorin e vrasjes së tij nga forcat serbe në Reçak.
Me anë të një postimi në Facebook, Kurti tha se historia e familjes Kaçiku është shembull i kontributit e sakrificës për atdheun deri në vetëflijim.
“Sot 26 vjet më parë, Komandanti Ahmet Kaçiku ra heroikisht në një betejë e sakrificë sublime, gjersa mbronte trupat e 45 të vrarëve e të masakruarve nga forcat serbe në Reçak vetëm katër ditë më herët. I kthyer nga mërgimi, si luftëtar i dalluar e patriot, ai ndoqi gjurmët e gjyshit të tij Bajram Kaçiku, në mbrojtje të trojeve shqiptare. Historia e familjes Kaçiku është shembull i kontributit e sakrificës për atdheun deri në vetëflijim”, tha Kurti./KosovaPost/
