Lideri i Lëvizjes Vetëvendosje i cili pritet së shpejti të bëhet kryeministër i Kosovës, ka njoftuar se është takuar me kandidaten për deputete nga radhët e komunitetit boshnjake Emilia Rexhepi, përcjell Kosova Post.
Kurti përmes një postimi në facebook thotë se Rexhepi ia ka konfirmuar votën e saj për të si kryeministër por edhe për qeverinë.
Postimi i plotë:
Znj. Emilia Rexhepi do të jetë sërish deputete boshnjake në Kuvendin e Kosovës. Ajo e konfirmoi votën e saj për mua si kryeministër dhe për qeverinë tonë të re. Sërish në “Ambient” të Prizrenit u takuam dhe biseduam për sfidat e qeverisë sonë për zhvillim ekonomik, për reformë arsimore, sundim të ligjit, demokratizim dhe barazi sociale, që nuk përjashton askënd. Diskutuam edhe për forcimin e lidhjeve institucionale me Sanxhakun dhe Sarajevën.
