Kryetari i AAK-së, Ramush Haradinaj, ka reaguar për sulmin terrorist në Ankara, ndërsa e cilëson sulm kundër paqes dhe stabilitetit.
“Sulmi terrorist në Ankara është një akt i rëndë që meriton dënim të ashpër. Ky sulm barbar, që godet njerëz të pafajshëm dhe cenon sigurinë e një vendi të tërë, është një sulm kundër paqes dhe stabilitetit”
Tutje është shprehur Haradinaj se në këto momente qëndrojnë afër popullit dhe qeverisë së Turqisë, ndërsa ka shprehur edhe ngushëllime për familjet e viktimave.
“Në këto momente të vështira, jemi pranë popullit dhe Qeverisë së Turqisë, duke shprehur ngushëllimet tona të thella për familjet e viktimave dhe duke lutur për shërimin e të plagosurve. Qëndrojmë të bashkuar në përpjekjet për një botë më të sigurt dhe më të drejtë, ku dhuna dhe terrori nuk kanë vend”, shkruan Haradinaj në Facebook.
