Deputetët e Lëvizës Vetëvendosje, Mufail Bajqinovci dhe Enver Dugolli, anëtarë te komisionit për Siguri dhe Mbrojtje në një konferencë për medie, kanë bërë të ditur arsyet pse nuk do të marrin pjesë në seancën e jashtëzakonshme të thirrur për orën 12:00 nga deputetët e opozitës mbi furnizmin me ushqim të ushtrisë së Kosovës.
Kërkesa e opozitës për të shkarkuar shefen tonë të grupit parlamentar,Mimoza Kusari Lila si dhe çasja e tyre për keqinformim për furnizimin me ushqim të ushtarëve të Fsk-së janë shantazh tha deputeti Enver Dugolli.
“Veprimet e tyre kësaj here shkojnë përtej shantazhit, duke kërkuar dorëheqjen e shefes e grupit parlamentar, Mimoza Kusari Lila, është absurde dhe nuk e pranojmë. Ne nuk marrim pjesë në as një seancë që vjen nga ta”.
Dugolli tha se presin qasje tjetër të opozitës. “Në fillim javën e këtij Tetori, me kërkesë nga opozita e përkrahëm kërkesën e tyre për te ftuar në raportim ministri Maqedonci, më shumë se tre orë diskutuam në komision,dhe ministri u përgjigj në të gjitha pyetjet e tyre, në të gjitha çështjet e ngritura nga opozita. Kërkesa për një seancë në Kuvend, është vazhdimësi e tendencës për keqinformim të qytetarëve nga ana e deputetëve të opozitës”, tha ai.
Dugolli të gjithën e quajti propagandë e të udhëhequr nga opozita dhe eksponentë të caktuar.
Ndërsa deputeti Bajqinovci tha se Ministria e Mbrojtjës nuk ka shpallë tender sekret.
“Ministria e Mbrojtjës nuk ka shpallë tender sekret, por tender për kontratë emergjente”.rtk
