Kryeministri ukrainas Denys Shmyhal do të udhëtojë në Uashington në fillim të javës së ardhshme për të takuar Scott Bessent, sekretarin e Thesarit të SHBA-së, për të finalizuar një marrëveshje mineralesh midis dy vendeve.
Sipas mediave të huaja, Kievi dhe Uashingtoni nënshkruan të dy një memorandum, duke sinjalizuar dëshirën e përbashkët për të përfunduar marrëveshjen javën e ardhshme.
Julia Svyrydenko, zëvendëskryeministrja e parë dhe ministrja e Ekonomisë e Ukrainës, tha këtë mëngjes se memorandumi “dëshmon për punën e përbashkët konstruktive të ekipeve tona dhe synimin për të finalizuar dhe përmbyllur një marrëveshje që do të jetë e dobishme për të dy popujt tanë”, shkruan A2 CNN.Të dy vendet thuhet se janë në një mirëkuptim që Parlamenti ukrainas do të duhet të ratifikojë çdo kusht përfundimtar, me më shumë diskutime të planifikuara për të enjten.
