Presidenti i SHBA-së, Donald Trump, do të tërhiqet nga përpjekjet për të ndërmjetësuar një marrëveshje paqeje midis Rusisë dhe Ukrainës brenda pak ditësh, nëse nuk ka shenja të qarta se ajo mund të arrihet, tha të premten Sekretari Amerikan i Shtetit, Marco Rubio.
“Ne nuk do të vazhdojmë me këtë përpjekje për javë apo muaj të tërë. Prandaj, duhet të përcaktojmë shumë shpejt tani – dhe po flas për çështje ditësh – nëse kjo është e realizueshme gjatë javëve të ardhshme. Nëse është, atëherë do të përfshihemi. Nëse jo, atëherë kemi prioritete të tjera ku duhet të përqendrohemi”, tha Rubio në Paris, pas një takimi me liderë europianë dhe ukrainas., shkruan A2 CNN.
