Kryeministri i Kosovës, Albin Kurti tha se presidenti i Serbisë, Aleksandar Vuçiq, po i ikë nënshkrimit të marrëveshjes, e cila sipas Kurtit, është njohje de facto e Kosovës.
Kurti deklaroi se si kryeministër ka qenë i gatshëm të nënshkruajë sepse siç tha ai, kjo marrëveshje është platformë solide për të ecur përpara.
“Kjo marrëveshje është njohje de facto. Ka shumë elemente përbërëse në 11 nene dhe pesë fjali hyrëse ne preambul. Tash është edhe aneksi i zbatimit, por unë besoj që është platformë solide për të ecur përpara, andaj është e pranueshme për neve. Ne nuk hezitojmë, ne nuk frikësohemi edhe me datën 27 shkurt, edhe sonte me 18 mars si kryeministër i Kosovës kam qenë i gatshëm dhe i interesuar të nënshkruaj, meqenëse si kryeministër unë zotohem me nënshkrim. As nuk hezitoj, as nuk ikë por guxoj”, tha Kurti.
