Ministria e Drejtësisë ka nënshkruar dje një kontratë në vlerë prej 1 milion e 475 mijë euro për përfaqësimin e Republikës së Kosovës në procedurat e Abritrazhit.
Përmes procedurës së negocimit, kontrata i është dhënë kompanisë nga Shtetet e Bashkuara të Amerikës, Squire Patton Boggs LLP.
Për këtë tender është negociuar edhe me kompaninë tjetër nga SHBA, Foley Hoag LLP, mirëpo kjo kompani ka ofertuar me çmim për rreth 59 mijë euro më të lartë.
“Komisioni i vlerësimit me datën 24.07.2024 përmes skaipit ka negociuar me të dy operatorët ekonomikë. Operatori ekonomik Foley Hoag LLP nuk ka ofruar zbritje në çmim po na informuar se oferta e dhënë është pa TVSH. Komision i vlerësimit ka kërkuar nga ky operator që ta dorëzon ofertën financiare përfundimtare. Me datën 25.07.2024, ky operator ka ofruar ofertën përfundimtare me TVSH ku vlera e ofertës është 1,534,000.00 euro”, thuhet në dosje.
Kompania fituese ka bërë edhe zbritje gjatë negocimit.
“Operatori ekonomik Squire Patton Boggs gjatë negocimit ka ofruar zbritje dhe oferta e këtij operatori pas zbritjes është 1,475.000.00 euro duke përfshirë TVSH. Ofërtën përfundimtare përmes platformës elektronike u ka dërguar me datën 24.07.2024. Komisioni i vlerësimit të ofertave rekomandon qe me kontratë të shpërblehet operatori ekonomik Squire Patton Boggs USA”, theksohet në dosje, raporton Express.Kohëzgjatja e kësaj kontrate është për 36 muaj.
