Presidenti i Shqipërisë, Ilir Meta, në 15 vjetorin e vdekjes, ka kujtuar Dr. Ibrahim Rugovën.
Me këtë rast Meta ka cituar deklaratën e Rugovës për Kosovën e pavarur dhe vizionin euroatlantik, ndërsa ka shtuar se ëndrra e Presidentit historik të Kosovës vazhdon.
Ai thekson se angazhimi i tij jetësor për zgjim kombëtar, vizion euroatlantik për Kosovën Republikë mbeten shembuj të patundur frymëzimi për t’i shërbyer me përkushtim çështjes shqiptare.
Postimi i plotë i Ilir Metës:
Vizioni im është, që të kemi një Kosovë të pavarur, demokratike, me një shoqëri politikisht tolerante dhe me një ekonomi solide, e integruar në BE dhe NATO, si dhe të vazhdojmë marrëdhëniet tona të mira me SHBA. – IBRAHIM RUGOVA
Angazhimi i Tij jetësor për zgjimin kombëtar, vizioni euroatlantik për Kosovën Republikë, për paqen, lirinë, stabilitetin, demokracinë dhe bashkëjetesën në rajon, mbeten shembuj të patundur frymëzimi për t’i shërbyer me përkushtim, dinjitet dhe krenari çështjes shqiptare.
Ëndrra e Presidentit Rugova vazhdon! 🇦🇱❤️🇽🇰
