Meteorologët kanë parashikuar për ditën e sotme stuhi të forta në pjesë të shteteve amerikane të Teksasit, Luizianës dhe Arkansasit, me mundësi tornadosh, breshër dhe bubullima, me shpejtësi maksimale të erës deri në 128 kilometra në orë.
Shërbimi Kombëtar i Motit lëshoi një paralajmërim tornado të enjten vonë për pjesë të Teksasit në verilindje të Hjustonit, raportoi AP. Për momentin nuk ka raportime për dëme.
Më shumë se 100 fluturime u vonuan dhe dhjetëra u anuluan në Aeroportin Ndërkombëtar të Dallas Fort Worth në Dallas, Teksas.
Aeroporti Ndërkombëtar Xhorxh W. Bush në Hjuston, Teksas gjithashtu pati vonesa dhe anulime fluturimesh për shkak të stuhisë, shkruan euronews.al.Guvernatori i Teksasit, Greg Abbott, ka aktivizuar burimet e shtetit për përgjigjen emergjente.
