Ministri i Mbrojtjes, Armend Mehaj, ka shprehur keqardhje për tornadon që goditi sot qendrën e Iowas në SHBA, përcjell KosovaPost.
Në emër të Qeverisë së Kosovës dhe qytetarëve të vendit, Mehaj i ka shprehur ngushëllime të gjitha familjeve që humbën më të dashurit e tyre.
Postimi i plotë:
Jemi thellë të tronditur me fatkeqësinë e mbrëmshme që ka pësuar populli vëlla yni i Iowa-s, nga tornado dhe moti i ashpër, ku humbën jetën gjashtë qytetarë në Winterset, nga të cilët dy fëmijë më të vegjël se 5 vjeç.
Çdo fatkeqësi që godet popullin amerikan, është fatkeqësi që godet edhe popullin e Kosovës.
Andaj, Guvernatorit Reynolds, Gjeneral Corell dhe gjithë familjeve që humbën më të dashurit e tyre, krahas ngushllimeve të thella, u shpreh gatishmërinë e plotë të Ministrisë së Mbrojtjes për mbështetjen maksimale në sanimin dhe tejkalimin e situatës së krijuar, me të gjitha kapacitetet që disponojmë.
Iowa dhe Kosova janë një trup i vetëm.
Andaj dhimbja juaj është dhimbje e jona.